208

REGISTRES DU BUREAU

[i5i4]

1514.

CCCVH-CCCVIII.

— Obseques de la Roïne de France Anne de Bretagne.

8-10 et i2-i4 février i5i4. (Fol. 271 v⁰'¹¹.)

L'an mil cinq cens treze, le mercredi huit^mo jour de Fevrier, en Assemblée faicte au Bureau de la Ville, en laquelle estoient appellez les Conseillers d'icelle, et s'y sont trouvez et comparuz : mess" et maistres Roger Barme, Prevost des Marchans; Nicolas Crespy, Eschevin; Jehan Olivier, aussi Eschevin et Conseiller de la Ville; Guillaume Parent et Robert Le Lieur, pareillement Eschevins; mess⁰ Pierre Le Gendre, chevalier, tresorier de France; Nicole Viole s^r de Noiseau, Robert Turquant et Jehan Brulart, conseillers du Roy nostre s° en sa Court de Parlement; Charles de Montmiral et Nicole Charmolue, advocatz en lad. Court; Loys de Harlay s^r de Montglat, Nicole Seguier receveur des Aydes pour le Roy à Paris, Dreux Raguier s^r de Thionville, Mary Bureau, bourgois, Henry Le Begue et Estienne Huvé : tous Conseillers dela Ville; Jehan Radin, Procureur, et Ph. Macé, Receveur d'icelle Ville;

A esté proposé et mys en termes par mond. s^r le Prevost des Marchans qu'il avoit entendu que le corps de la Royne, laquelle est trespassée au chasteau de Blois dès lundi matin, ix^c jour de Janvier derrenier passé, estoit party dud. lieu dc Blois et mys à chemin, acompaigné de grande seigneurie, pour estre admené inhumer à Saint Denis en France; et passeroit par ceste ville, y reposeroit une nuyt, et seroit son service fait en l'Eglise de Paris en la maniere en tel cas acoustumée.

Et pour ce que le Roy n'avoit riens escript à la Ville de ceste matiere, quel recueil et honneur il entend et veult estre fait par cested. Ville aud. corps à son arrivée, et que cent ans a et plus ne trespassa

Royne de France avant les Roys, ne qui fut sy grosse terrienne, et eust subsecutivement espousé deux Roys de France comme lad. Dame :

A ceste cause, luy et ses compaignons Eschevins estoient en perplexité de ce qu'ilz avoient à faire et comment se devoient conduire en la matiere; si avoient fait et ordonné ceste Assemblée de Conseil pour adviser et conclurre en quelle sollemp-nité seroit recueilly de par la Ville led. corps de lad. Dame.

Et sur ce, avant que proceder à oppiner sur la matiere, mond. s^r le tresorier Le Gendre a commancé dire :

"Mess", moy estant jeudi derrenier à Blois en la Chambre du Conseil, en laquelle estoit et presidoit Monseigneur'²', y estoit aussi mons^r le cardinal de Bayeulx'³', mons^r le duc d'Albanie'⁴', mons^r de Paris'⁵', mons^r Du Bouchaige, mons^r le tresorier Robertet, plusieurs barons de Bretaigne et autres grans personages, tous là assemblez pour adviserquel ordre et sollempnitez seroient tenues sur le fait du convoy de la Royne, depuis Blois jusque à S' Denis en France où elle doit estre ensépulturée. Et furent lors par led. Monseigneur mys en termes plusieurs points concernans led. convoy, et en tre autres sy on fera dueil après le corps, quelz personages le feront et en quel ordre l'acompaigneront. Et fist demander par mons^1, de Paris aux assistans leurs advys et op-pinions, lesquelz concordablement furent tous d'op-pinion que trop d'honneur ne pourroit on faire à la

⁽¹⁾ Au Registre, ce document vient après notre art. CCCIX en date du 7 avril suivant.

(²) Le duc de Valois-Angoulême, depuis roi sous le nom de François I^er.

(3) René de Prie, évêque de Bayeux (1498), cardinal (1507), célébra les obsèques de la reine Anne à l'abbaye de Saint-Denys et le mariage de Louis XII avec Marie d'Angleterre, le 9 octobre suivant. — René de Prie était le cousin du cardinal-légat d'Amboise-

O Jean Stuart, fils d'Alexandre prince d'Ecosse, et plus connu sous le nom de duc d'Albany, avait épousé en i5o5 sa cousine Anne de La Tour dite de Boulogne, comtesse d'Auvergne et de Lauraguais. ⁽⁵⁾ Etienne II de Poncher, sur lequel voy. à la note 3 de la page 183.